«سلامة» ينصح زملاءه الجائلين من داخل المقر الجديد: «تعالوا.. والزبون جاى جاى»
«سلامة» ينصح زملاءه الجائلين من داخل المقر الجديد: «تعالوا.. والزبون جاى جاى»
«بقالى يومين واقف بفرشتى فى الجراج، ومستنى اليوم ده»، بحماس وهمّة، قالها الرجل الخمسينى الذى نقل فرشته من شارع قصر النيل إلى جراج الترجمان، قبل اليوم الأول لتطبيق قرار نقل الباعة الجائلين، «كده أو كده هينقلونا فقلت أروح السوق بكرامتى من قبل افتتاحه».
سلامة عطية، مواطن مصرى، قرر أن يترك مكانه الذى اعتاد أن يقف فيه منذ 19 عاماً، فى محاولة منه لتنفيذ قرار المحافظة، «كنت معترض فى الأول وفاكر زى كل مرة كلام وبس، وأول ما لاقيتهم بيطلبوا مننا البطايق إديتها لهم وقلت لنفسى لو على الزبون فهييجى فى أى مكان»، حالة من القلق انتابت الرجل البسيط، لمجرد نقل بضاعته إلى جراج الترجمان، «لقيت الدنيا مفيهاش ناس والبياعين أصحابى معظمهم مش راضيين ينقلوا نفسهم من أماكنهم، وأنا عندى كوم بنات محتاجين آلاف يتجهزوا بيها، وأنا راجل على قد حالى هاوكلهم منين لو فضلنا على الفضا ده».
بعباءته الرمادية، جلس «سلامة» على رصيف سوق الترجمان، وسط بضاعته متعجباً من إصرار زملائه البائعين عدم تنفيذ قرار المحافظة بنقلهم إلى جراج الترجمان، «حاولت أقنع أصحابى قبل ما أسيب المكان إنهم ييجوا معايا، بس كل واحد فاكر إنه لما يدافع على حتته يبقى راجل، مش عارفين إننا لو قبلنا ونقلنا كلنا الناس هتيجى لحد عندنا زى المولات اللى بنشوفها»، مضيفاً «الشرطة ساعدتنى إنى ألاقى رقمى وقعدتنى فى مكانى اللى فى الورق، وكل واحد فى الشارع عارفين اسمه وهيجيبوه فى الآخر، فنصيحة منى للبياعين تعالوا أحسن والزبون جاى جاى، واعملوا مرة حاجة كويسة للبلد».
ملف خاص:
محافظ القاهرة لـ«الوطن» من قلب «عملية الترجمان»: المهمة نجحت.. ولن نسمح بعودة الباعة الجائلين
تحرير «وسط البلد».. «الوطن» ترصد نقل الباعة الجائلين لـ«الترجمان»
الحياة داخل موقف الترجمان: شمس حارقة وفضاء قاتل.. وعسكرى «مالوش أى ذنب»
المواطنون بعد «النقل»: «الشارع رجع تانى لينا»
«عبدالمنعم رياض».. البضائع اختفت والباعة وقفوا فى أماكنهم: «مستعدين لخسائر فى الأرواح بس محدش يقرب من البضاعة»
إخلاء ميدان التحرير من الباعة الجائلين للمرة الأولى منذ ثورة يناير
الأمن ينتشر فى الخامسة فجراً لنقل الباعة الجائلين من 26 يوليو وشوارع العاصمة
خطة «سيد»: الحكومة صادرت البضاعة.. بس المكان موجود وهارجعله
«بائعه جائلة» تتزعم حركة رفض مغادرة الميدان وتؤكد أنه حقها: «بقالى 60 سنة هنا»
