«إحسان» لاعبة لم تحاصرها الأزمة: «نعاملهم كأولاد عشان نريحهم نفسياً.. والبنات دى بتصرف على أهاليها»

وسط هذه النماذج المختلفة والعديدة والمعاناة التى يمر بها البعض فى ملاعب كرة القدم النسائية، هناك نموذج لفتاة طبيعية تمارس كرة القدم ولا تعانى من أى أزمات، حيث تكشف إحسان عبدالملك، لاعبة وادى دجلة والمنتخب الوطنى، لـ«الوطن» بعض الخبايا فى هذا العالم، مؤكدة أن التعامل داخل الفريق طبيعى جداً حتى فى حالة شعورها بأن من بجوارها «رجل أو يشبه الرجل»، واصفة المجال بأنه «عالم لا يشعر به أحد»، ومؤكدة أن العلاقة بين اللاعبات تشبه العلاقة الأسرية بسبب وجودهن بالمعسكرات الطويلة التى تربط بينهن بشكل كبير. وتقول اللاعبة: «بنتعامل عادى جداً وبنسلم على بعض وبنحضن بعض لما بنجيب جول، معندناش أى مشكلة أو تحفظ فى التعامل»، وتتابع: «اللى عندهم مشكلة عضوية أو نفسية مظلومين من المجتمع اللى مش قادر يوصل لمشكلتهم الحقيقية»، وتشرح «إحسان» أسباب استمرار اللاعبات صحابات الأزمات فى هذا المجال رغم نظرة المجتمع لهن: «الناس دى بتضطر تستمر فى عالم مش بتاعها علشان معظمهم ظروفهم صعبة وبيصرفوا على أهاليهم، بيحاولوا يثبتوا نفسهم فى البلد اللى محدش بياخد حقه فيها». وتكشف لاعبة وادى دجلة: «محدش بيبقى عارف بالظبط إيه اللى جوّه الواحد، لكن إحنا بنضطر نعاملهم زى الولاد علشان نريحهم نفسياً، أحياناً بعضهم يلجأ لإخفاء حقيقته علشان أكل عيشهم ميتقطعش، وطالما هما مرتاحين كده ليه الناس تزود مشكلتهم بأسلوبهم المستفز معاهم بدل ما يحاولوا يساعدوهم بحلول عملية». وتؤكد «إحسان» أن لاعبات كرة القدم النسائية يتعرضن لمضايقات لا تحتمل سواء من الحكام أو الجماهير أو أعضاء الأندية، وتختتم: «إحنا معندناش أى مشكلة مع بعض ويا ريت اللى بينتقد يشوف الناس دى محتاجة إيه بدل ما يضغط عليهم وهو مش عارف ظروفهم». أخبار متعلقة: «فتيات لكن رجال».. مأساة داخل ملاعب الكرة النسائية نرمين: «الاسترجال» حرية شخصية.. و«كوارشى»: عدم معاملة «البنت زى الولد» وراء الأزمة «نعمة» من بنت مسترجلة إلى الشاب «حازم» مدرب وادى دجلة بنت مصرية: «حَكَمتُ» للرجال وأتجاهل المعاكسات لجنة الفتوى بالأزهر: التغيير الجنسى حرام شرعاً والتصحيح «جائز» لاعبة تلفظ أنوثتها.. وأخرى تلجأ إلى هرمونات الذكورة لتصبح فتاة بـ«دقن وشنب» طب أمراض الذكورة: عمليات التصحيح الجنسى للتعايش فقط مروة «مالدينى»: لا مكان للاعبة «الراجل» داخل صفوف منتخب «الهوانم» الطب النفسى: مرض المتحول يسيطر على اللاعبات.. وتأخر العلاج يسبب الانتحار