مسحراتي
مسحراتي
منقراتى
أنشد واقول
بعد الصلاةِ
على الرسول:
أنزل كتابه بلسان عرب
وبخيل محمد الله ضرب
من المشارق للمغترب
على جبين السما انكتب
هلال وراؤه قلبى انجذب
وراؤه أتبع سبب سبب
سلخت شعبان من رجب
وبعزم ما بى ناديت وجب
أصوم جهاداً واصبر غضب
ما جف دمعى ولا نضب
يتيم أنوح على العتب
الدم أغلى من الدهب
الأرض شدت زى العصب
من الكرامة إلى النقب
وكل شبر وحتة من بلدى
حتة من كبدى
حتة من موال:
لسه العرق يا عم
ما ياخدش ثار الدم
ما يقيمش وحده الطوب
لسه الشهيد مكتوب
على جبين أجيال
علشان كدا يا خال
سهران أنا وابنى
سهران يناوبنى
لسه العرق مغلوب
مهما شقى وشغّال
ما يقيمش وحده الطوب
ولوحده ما يبنى
علشان كدا يا خال
سهران أنا وابنى
سهران يناوبنى
اصحى يا نايم
وحّد الدايم
السعىُ للصوم
خيرٌ من النوم
دى ليالى سمحة
نجومها سبحة
اصحى يا نايم
يا نايم اصحى
وحّد الرزاق
