بريد الوطن| فاصل.. ونواصل
بريد الوطن| فاصل.. ونواصل
بعيد عن عينك العاجزة عن الرؤية
برغم الصورة جواها بتلمع ضى
بعيد عن قلبك الميت
لكنه ما بين حيطان خوفك بينبض حى
بعيد عن كل شىء شغلك وعن فكرك
وعن ذمك ف وقت خصامنا أو شكرك
بعيد عن كل ذكرى معاك
بتمسح خطوتى جواك
وبتنحينى عن ذكرك بعيد عنك
بقيت أبعد ما كنت ف لحظة أتخيل
ولا أتصور وفكيت عقدتى وياك
فممكن عادى أتهور وأقولها خلاص
مفيش حاجة هتربطنى غير الإخلاص
لعيش أو ملح يوم كلناه
لحلم أخدنا من روحنا فأجلناه
لشارع ضم يوم إيدنا.. لكن سبناه
ولا وفينا بوعودنا
و١٠٠ فاصل ونتواصل
لكن للحب ما عُدنا
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
