بريد الوطن| دود المش
بريد الوطن| دود المش
البلد عاوزة ولد
والولد مش فى البلد
نادت البلد للولد
رجع الولد يمسك البلد
قالت البلد للولد
أنصحك نصيحة يا ولد
خلى الكبير فوق
والصغير تحت
الغنى له شان
والفقير ارميه فى الفحت
ميزانى كفتين، كفة يمين وكفة شمال
بإيديك ترفع كفة، وبالتانية تنزل كفة
قال الولد للبلد
أنا لا باسرق ولا باغش
ولا زى الدود فى المش
قالت البلد مش حتنفع يا ولد
راح الولد
وفضلت البلد
ويا حسرة على البلد
أتارى البلد مش عاوزة ولد
دى البلد عاوزة بلد
عمرو أبوالعطا
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
