بريد الوطن.. عندليب النغم
بريد الوطن.. عندليب النغم
ضاع النغم م الوتر
والوَشّ جنِّنى
والفن حالُه اتعوج
وانا لسه مستنِّى
تعالى عيد فننا
يا عندليب غنِّى
يا مسك أهل النغم
يا كف متحنِّى
هاجرت طيور الهوى
ما اعرفشى راحت فين
كل الأصيل اغترب
وتاهت العناوين
كل اللى فاضل نشاز
قاعد على الصفين
زى الردىء الهزيل
عايم على الميه
أما التقيل الأصيل
ساكن فى عمق الطين
يا عندليب النغم
شوف الطرب مالُه
دا حاله أصبح عدم
تعالى شوف حاله
صار النغم درَبُكة
فى كل أحوالُه
الكل غاوى غُنا
فرحان بمواله
إبراهيم خليل إبراهيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
