بريد الوطن.. زماني
بريد الوطن.. زماني
ده مش زمانى
زمانى عدى وفات
زمن الفروسية والنبل
والوفا
مش زمن الغدر وقلوب
جامدة متعجرفة
زمانى زمن الخير والبركة
وقلوب عامرانة بالدفا
زمانى زمن الود
ولمة الأهل والاخوات
الجيرة الحلوة وقعدة صفا
زمانى زمن الاحترام
فيه كبير وفيه صغير
مافرقنا دين
المسيحى فى شارعنا
كنت باقوله ياعم سمير
وطنط سمرة والأستاذ روفائيل
طول عمرنا متجمعين على
الحلوة والمرة
ده مش زمانى
زمانى زمن الجمال والرقة
والكلمة بتطلع رايقة
والشارع كان نضيف
مش صداع ودوشة
عصام أبوالدهب
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
