باسم سمرة عن فيلم "صندوق الدنيا": معندناش ابتذال أو حد بيرقص
باسم سمرة عن فيلم "صندوق الدنيا": معندناش ابتذال أو حد بيرقص
تحدث الفنان باسم سمرة، عن مشاركته في فيلمه الأخير "صندوق الدنيا"، خلال حواره مع الإعلامي حسام حداد مقدم برنامج "الحياة اليوم"، عبر شاشة "الحياة".
وقال سمرة، إن مخرج الفيلم عماد البهات، صديق شخصي له منذ زمن طويل، حيث رشحه للدور: "وقرأت الورق عجبني جدًا، وعلاقتي بالمنتج عمرو القاضي مكنتش كبيرة".
وأضاف، أنه أجرى بروفات مكثفة مع المخرج: "وقدرنا نخرج بحالة السواق العمدة عبدالدايم، اللي بيفسح ابنه في المدينة، لكنه بيضيعه فيها، والمدين بتبلعه".
وتابع: "الحلو في الفيلم، إننا بنتكلم عن شخصيات كتير جدًا، اتبسطت إني اشتغلت في الفيلم وفخور إني اشتغلت مع أساتذة وأحمد كمال أستاذي".
وواصل: "الفيلم مميز جدًا، الإنتاج مش ضخم، لكن كان في اعتناء، وإصرار على ما ينقذ إنقاذه في الفن، وفي الفترة الأخيرة بنعاني من أفلام بتتعمل في وقت قليل وكروتة، لازم يبقى في أغنية أو رقص عشان الفيلم بينجح، وبالتالي إحنا معندناش حد بيرقص أو بيغني أو بيبتذل".
