بريد الوطن.. اوعى
بريد الوطن.. اوعى
اوعى تكونى زيهم
تعشمى قلبى وتسيبيه
يا ام الضفاير عشقهم
نسى قلبى اللى فيه
يا نجمة منى قربى
ليلى بضيك نوريه
يا منتهى المنتهى
صدرى حزين ضميه
خايف أحبك أنجرح
والجرح مش هقدر عليه
قصة حلوة فى البداية
وميت بداية اتكررت
أيوه أنا شايفك معايا
حتى الحياة اتغيرت
روحى عادت بعد غربة
يا ما فى البلاد اتغربت
إحساس جميل بيشدنى
ليكى أنا بفرد شراعى
بحرك غريق وانا سندباد
كل البلاد عشقت وداعى
لفيت كتير شطوط قلوب
وعلى شط قلبك بنهى ضياعى
بصى كده ع قلبى شوفيه
هتلاقى ألف سيف معلم فيه
مدى إيدك داوى جروحى وداويه
اوعى تكونى زيهم وتبخلى عليه
سامى جابر
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
