بريد الوطن.. فرح بوك.. فكرة للقضاء على تأخر سن الزواج
بريد الوطن.. فرح بوك.. فكرة للقضاء على تأخر سن الزواج
هى فكرة بسيطة جداً وسهلة، التطبيق لمساعدة الناس الباحثين والباحثات عن الزواج بطريقة جديدة ومتوافقة مع عاداتنا وتقاليدنا، ومافيهاش الإحراج اللى ساعات بيكون فى طرق الجواز التقليدية اللى بيسموها «جواز صالونات».
باختصار، عارفين الجو الجميل بتاع الأفراح واللى الناس فيه بتبقى مبسوطة وفيه احترام؟ طيب إيه اللى يمنع إن يكون فيه مثلاً قاعة أفراح فيها نفس الشروط والجو بتاع أى فرح بس من غير عروسة وعريس «ممكن نعوض عدم وجودهم بأى طريقة»، المهم يكون فيه زى موقع إلكترونى أو تطبيق الناس اللى داخلة الفرح تسجل فيه بعض المعلومات الشخصية البسيطة وصورة وطريقة للتواصل عشان بعد ما يخلص الفرح الناس تعرف تتواصل مع بعض، وده طبعاً فى حالة إن الطرفين موافقين، ودى أهم ميزة، إن الناس قبل ما تتكلم مع بعض يكونوا شافوا بعض، ويمكن العائلات، ويمكن الأصدقاء، وفيه نوع من القبول المبدئى «يعنى مفيش إحراج أو أطراف ممكن تتوسط للتعارف»، المهم إن بعد الفرح تقدر الناس تتواصل حتى لو ماتكلموش مع بعض فى الفرح.. هل إحنا محتاجين فكرة زى دى؟ أعتقد.. لأن كم نسبة الباحثين والباحثات عن الجواز مش لاقيين شريك مناسب.
محمد «واحد عادى»
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
