"أنا هبقى أقوى".. عبارات تحميك من الوقوع في "الإحباط" بعد الفشل
"أنا هبقى أقوى".. عبارات تحميك من الوقوع في "الإحباط" بعد الفشل
أحيانا يشعر بعض الأشخاص بإحباط بعد تعرضهم لموقف فشل في حياتهم الخاصة أو العملية ويتجاهلون استغلال ذلك الفشل بأن يكونوا أفضل.
ويقدم مصطفى خليفة استشاري تطوير الأعمال لـ"الوطن" بعض الجمل أو العبارات التي يجب على الشخص قولها لنفسه في حال الوقوع في مشكلة أو عمل شيء خاطئ وشعر بفشل، حتى لا يدخل في حالة إحباط.
- "معنى اني فشلت اني جربت حاجة جديدة".
- "لو بتعمل نفس الحاجات اللي متعود عليها مش هتغلط، لكن تجربة حاجات جديده ممكن تنجح فيها وممكن تفشل بس ده معناه أنك بتجرب".
- "أنا مش الوحيد اللي بغلط"
- "كلنا بنغلط وكل اللي بيتعلموا بيغلطوا، المهم أننا نتعلم من الأخطاء بتاعتنا ونستفيد منها".
- "أنا كده بتطور وبتحسن"
- "وقوعك في مشكلة معناها أنك عرفت طريقة متعملش بيها الخطأ ده تاني، ومعناها إن تجاربك زادت وخبرتك زادت، وده هيخلي شخصيتك تتطور وتتحسن بشكل كبير ويبقى عندك خبرات وتراكم معرفة".
- "أنا كده هبقى أقوى"
- "كل مشكلة بتقع فيها وبتعديها وتتعلم منها بتخليك أقوى، الضربة اللي متموتش بتقوي، دايما الأخطاء فرص لأن شخصيتك تبقى أقوى وآدائك يبقى فعال أكتر".
- "هتعلم وهبقى أفضل وهجرب وهغلط تاني"
- "طريق النجاح زي ما فيه لحظات إنجاز فيه لحظات فشل وتعلم من الفشل ده، الموضوع مستمر والخطوات كتير، المهم أنك تقوم من كل مشكلة وتتعلم منها".
