"من كتر الناس اللي بـ100 وش".. 7 علامات تكشف حقيقة المحيطين بك
"من كتر الناس اللي بـ100 وش".. 7 علامات تكشف حقيقة المحيطين بك
يتعامل الشخص يوميا مع أشخاص محيطين به سواء على مستوى العمل أو الأصدقاء وأحيانا تكون علاقاتهم قوية ببعض، ولكن يتفاجئ الكثيرون بتصرفات أو بتغير في المعاملة من هؤلاء والتحول وظهور الشخصية الحقيقية.
ويقدم مصطفى خليفة استشاري تطوير الأعمال لـ"الوطن" علامات ومواقف تظهر لك الشخص على حقيقته وتزيل الأقنعة عن الناس المحيطين بك حتى تسطيع معرفة حقيقتهم ولا تقع في مشاكل أو ضيق بسببهم ولا تقرب منهم.
1- عندما تدخل التعاملات في الماديات
"أول ما تدخل في بيزنس أو تعاملات مادية، الشخصية بتبان على طول سواء كان جدع وصاحب صاحبه أو بتاع مصلحته".
2- في السفر
"خصوصا السفريات المتعبة والطويلة، بيبان اللي بيخاف عليك أو اللي مش شايف غير نفسه"
3- في الحزن والفرح
"في المواقف اللي فيها انفعال بتبان الشخصية في الزعل بيعملك خاطر وفي الفرح مش بينسى فضلك".
4- في الخصام
"لو زعلتوا من بعض ولقيته نسيلك كل المواقف الكويسة ومش فاكر غير الوحش اعرف أنه بينكر الجميل".
5- عند تقسيم مهام العمل أوالمشاوير
"لو في شغل وبنوزع المهام أو بنرتب مشاوير في حياتنا الشخصية، تلاقيه حقاني وبيحمل عليك وعلى نفسه زي بعض".
6- في أزماتك
"تلاقيه بيقف جنبك أو بيبعد عنك، تعرف أنه عايزك في وقتك الحلو بس أو وانت بتساعده أو بتخدمه ومش عايز يشيل همك".
7- إذا حصل على ترقية أو منصب أفضل منك
"لو لقيت معاملته اتغيرت بمجرد ما وضعه اتحسن أو مرتبه زاد أو حصل على وظيفة أعلى اعرف أنه مكنش الشخصية الصح من الأول وأن دي حقيقته".
