مسحراتي اليوم الثلاثين
مسحراتي اليوم الثلاثين
- آمن
- أردن
- أرز
- مسحراتي
- رمضان
- شهر رمضان
- رمضان 2018
- عباد الله
- آمن
- أردن
- أرز
- مسحراتي
- رمضان
- شهر رمضان
- رمضان 2018
- عباد الله
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحتة من بلدى
حتة من كبدى
حتة من موال:
تركت أهل المدارك يختموا السهرة
ومشيت بطول الخليج للسيدة الطاهْرة
أما المقام سندسى أما المدد نظرة
وخد فى حضنك جناين قد ما تقدر
أخضر فى أخضر ومن كُم الهلال زهرة
صوموا وقولوا آمنا يا عباد الله
كونوا قلوب مطمئنة يا عباد الله
النصر فينا ومنّا يا عباد الله
احنا عرب والنبى عربى وضامنّا
ما ينكسرشى يمينا يا عباد الله
على صرخة واحدة طلقناها وجاوبتنا
حقيقة واحدة اللى تحت الجلد صابتنا
حملتنا أشواق على أشواق وجابتنا
من الجزاير نشق الليل بحَربتنا
وبعرق مدبوح من الأردن وغضبتنا
من الفرات وحملنا لك محبتنا
م الأرز والنبع قاصدين سَبْع غابتنا
اصـحى يا نايم
وحّد الدايم
السعىُ للصوم
خيرٌ من النوم
دى ليالى سمحة
نجومها سبحة
اصـحى يا نايم
يا نايم اصحى
وحّد الرزاق
المشى طاب لى
والدق على طبلى
ناس كانوا قبلى
قالوا فى الأمثال
الرجل تدب مطرح ما تحب
