مسحراتي اليوم الثاني والعشرين
مسحراتي اليوم الثاني والعشرين
وانا صنعتى مسحراتى فى البلد جوال
حبيت ودبيت كما العاشق ليالى طوال
وكل شبر وحتة من بلدى حتة من كبدى حتة من موال
مسحراتى
منقراتى
خالاتى عماتى سيداتى
على تلّ عجود وعسل وسمن
ولا مجلس المن سهرانين
لَتْ وعجين
يبنوا الهرم
قالت حماة المحترم
يا كعك يا سيد الكرم
نبطلك فى المشمشِ
يا بنت قومى وفرفشى
لا تحوّشى ولا تختشى
احمى الوابور
واستحمشى
اشى اشى
تلاقيه مشى
اشى نغبشى
واشى حبشى
واشى دندشى
واشى انقشى
واشى ينحشى
واشى رشرشى
سكر عليه
بركة آيديه
فرحة عينيه
قال إيه وإيه
المشى طاب لى والدق على طابلى
ناس كانوا قبلى
قالوا فى الأمثال
الرجل تدب مطرح ما تحب
