مسحراتي اليوم التاسع والعشرين
مسحراتي اليوم التاسع والعشرين
وانا صنعتى
مســحـراتى
فى البلد جوال
حبيت ودبيت
كما العاشق
ليالى طوال
وكل شبر
وحتة من بلدى
حتة من كبدى
حتة من موال:
بلدى على النيل
وساكن عش وبنانى
والحمد لله بنيت
السد وبنانى
غنيت وعشت
الأمل وسجدت
فى رمضان
للى خلقنى
وعلمنى البيان
رحمن
قادر يسوى
بنانى
اصحى يا نايم
وحد الدايم
السعى للصوم
خير من النوم
دى ليالى سمحة
نجومها سبحة
اصحى يا نايم
يا نايم اصحى
وحد الرزاق
المشى طاب لى
والدق على طبلى
ناس كانوا قبلى
قالوا فى الأمثال
الرجل تدب مطرح ما تحب
