رزق العيد مش كله كحك: فيه تسوية وإيجار الصاج.. و«رشة السكر لها سعر»

10:33 م | السبت 24 يونيو 2017

بمنطق «الشىء لزوم الشىء»، تراص الأطفال أمام المخبز، الذى قاطع هذا العام تصنيع الكحك وبيعه، لما أصاب حركة البيع والشراء من ركود، مكتفياً من الموسم برزق تسوية الصاجات، بعد عودة الأهالى لخبز «الكحك» منزلياً، باعتباره الأضمن والأوفر، ولأن مهمة التسوية تتطلب عمالة لنقل الصاجات من المخبز إلى البيوت والعكس، تولى الأطفال العمل مقابل جنيهات قليلة.

من جنيهين العام الماضى، إلى 5 هذا العام، هكذا تضاعف سعر تسوية الصاج، لا يقتصر العمل فى تسوية الصاجات على عمال المخبز، انضم إليهم العشرات «الناس مهما الحاجة غليت عليهم بيشتروا، ممكن يقللوا كمية أو يلجأوا لعمايلها فى البيوت»، من بين أصوات سحب الصاجات وإخراج ما بها من كحك، ومطالبات السيدات بالبدء فى تجهيز كحكها للدخول إلى الفرن، خرج صوت «رضا بخيت» ضعيفاً، ماسحاً بفوطة زرقاء اللون عرقه الذى يتصبّب إثر وقوفه أمام الفرن لساعات، مشيراً بيده إلى مجموعة من الصاجات التى تنتظر دخول الفرن: «إحنا قلنا نركز فى التسوية، علشان هى اللى فيها مكسب شوية عن البيع، لأن الخامات زادت والناس قللت شرا من السنة إلى فاتت» ثم يفتح الشاب الثلاثينى الفرن مخرجاً منه «تروللى» يحمل 18 «صاجاً» تتراص فيه قطع البسكويت والكحك والغُريبة والبيتى فور، منادياً على «أم سامح» لتسلّمه، طالباً منها سرعة جمع الكحك، لتُفسح لغيرها مكانا: «شوال الدقيق الـ50 كيلو بقى بـ270 جنيه، والسمنة الرخيصة بـ220 جنيه للصفيحة».

{long_qoute_1}

يباهى المخبز بأنه الأرخص فى التسوية، على مقربة منه مخبز الهدى، سعر تسوية الصاج يصل إلى 7٫5 جنيه، لكن كلا السعرين لا يشمل إيجار الصاج نفسه ورهنه «لو احتاج الصاج من عندى هاديهولهم بـ2٫5 جنيه، بس باشترط عليه توقيت معين علشان أنا عندى شغل كتير خاص بيا»، قالها رضا، بينما كان محمد صلاح يضع حشو البيتى فور للبعض: «ده فارماسيل ألوان بـ130 جنيه الكارتونة، ودى مربى باحطها بين البيتى فور علشان يمسك بعضه»، قالها الشاب الذى اقترح الفكرة على صاحب المخبز، بتجهيز الكحك بالسكر والغُريبة بالحشو والبيتى فور بالمربى: «بناخد على الصاج 3 جنيه لو سكر بودرة، البيتى فور 4 جنيه، الغُريبة 3، وحسب نوع الحشو برضه».