عجين واحد.. بس السعر متفاوت من 40 إلى 150: «يا كحك مين يشتريك»

11:22 م | الجمعة 23 يونيو 2017

اللون الأبيض يسيطر على رخامة المخبز، دقيق متناثر وسكر سقط بعضه على الأرضية، وعجين يملأ القدور المتسعة، وأشكال ستخرج فى ما بعد «كحك وبسكويت وغُريبة وبيتى فور»، ورغم أنها مكونات واحدة، سواء لكحك مخبز «نور الهدى» أو كحك أكبر محال الحلوى فى مصر، لكنه ليس بسعر واحد. «العجين كله واحد مفيش فرق»، بجلباب أبيض علقت بعض قطع العجين به، وقف مصطفى خيرى أمام مجموعة من الكحك الجاهز، الذى خرج لتوه من الفرن، قائلاً: «الدقيق والسكر والسمنة والبيض، العوامل الأساسية لكحك العيد، فالسعر المبالغ فيه عند ناس وناس بيكون راجع للاسم والمكان، مش أكتر»، موضحاً أن سعر الدقيق والسمن والبيض والسكر ارتفع بشكل كبير عن العام الماضى، بزيادة تصل إلى 50%، وهو ما يستدعى زيادة طبيعية فى سعر الكحك والبسكويت لهذا العام: «الزيادة على الكل، بس فيه محلات ليها اسم كبير ومشهورة فبتبيع بسعر عالى علشان زبونها معروف، وأماكن تانية على قدّها فى مناطق شعبية بتبيع بسعر أقل».

يصل سعر كيلو الكحك السادة إلى 85 جنيهاً بأحد أكبر محال القاهرة، ويصل إلى 150 فى أماكن أخرى.. أسعار بدت لحسنين صابر طبيعية: «الخامات كلها زادت، والزباين بتشتكى، فلو رفعنا السعر فى الأماكن الشعبية بشكل كبير هيبقى فيه خساير علينا». الشاب الذى يعمل فى المخبوزات والحلويات لسنوات عدة، قرّر ضمن طاقم العمل أن تكون الأسعار فى متناول المواطن البسيط: «الكحك السادة بـ35 والمحشى بـ40 و45، والبيتى فور والغُريبة نفس الكلام، والبسكويت بـ30». فارق السعر يوضحه «جمعة»، أحد العاملين بسلسلة حلويات شهيرة: «الكرتونة والعلبة بتفرق، وفيه إيجار غالى علشان فيه أماكن نضيفة، وفيه فرق فى نوعية الدقيق والسمنة والسكر والحشو، ولينا زبون معين بنخاطبه، ولو ماعملناش كده زبونا هيفتكر إننا بقينا بنقدم منتج وحش».