أكل بيتى من «GEB»

10:27 م | الاثنين 12 سبتمبر 2016

أكل بيتى من «GEB»

تغيير العادات الغذائية السلبية للمصريين كان الهدف من مشروع «المطعم»، الذى أنشئ فى السيدة زينب، ضمن مشروعات «GEB» وهو كيان مهتم بالحفاظ على البيئة الفريدة والتراث المصرى الأصيل، «احنا مجموعة شباب قرر يجمع الأكلات البيتى من بلاد تانية ويقدمها، والهدف هو أكل صحى وطعمه يعجب الزبون، والميزة الخاصة بمطعمنا إننا مش ثابتين على منيو واحد، كل يوم فيه جديد»، كلمات كاترين كوتى، أحد المسئولين عن المطعم.

«المطعم» يقدم حلولاً بيئية بديلة، وفى الوقت نفسه يحافظ على أدنى مستوى للاستهلاك، حسب «كاترين»، التى أكدت أن فكرة مشروع «المطعم» لا تعتمد على تقديم أكل صحى فقط بل يعرّف الناس بثقافة الأكل البيتى الموجودة فى بلاد أخرى: «مشروعنا كمان فيه جزء تعليمى، اللى عايز يتعلم أكلة يتعلمها عندنا، ولو حد عنده أكلة بيتى مميزة حابب يقدمها عندنا متاح له يعمل ده عشان نكوّن ثقافة عامة حول الأكل الصحى».