محتجز عن "كارثة الإيدز بالسجون": كنت نايم والسجان قال لي حلل باسم "محمد سعيد"

12:18 ص | الأربعاء 10 أغسطس 2016

قال وكيل نيابة الهرم، في الأوراق الرسمية التي كتبها عن التحقيق في "كارثة الإيدز بالسجون": "قُمنا بتنبيه الماثل خارج غرفة التحقيق، وتبين وجود المدعو أمير خالد محمود، فدعوناه داخلها وبدأنا بسؤاله بالآتى، أجاب:

اسمى/ أمير خالد محمود هاشم، 19 سنة، وأنا طالب ومقيم ببولاق الدكرور بشارع محمد مصطفى الجيزة ولا أحمل تحقيق شخصية.

(حلف اليمين)

س: ما سبب وجودك بديوان قسم شرطة الأهرام؟

ج: أنا محبوس فى قضية مخدرات.

س: وما الحجز المودع به بالقسم؟

ج: هو حجز رقم حداشر.

س: وهل قمت بإجراء التحليلات الخاصة بمرض الإيدز؟

ج: أيوه هما قالولى انزل حلل باسم واحد اسمه محمد سعيد محمد.

س: وما تفصيلات إجراءات التحاليل؟

ج: أنا كنت نايم فى الحجز والسجان اسمه جمعة تقريباً وقاللى تعالى إنزل علشان تحلل باسم محمد سعيد محمد وهو قاللى الاسم وبعدين نزلت وخدوا منى عينة للتحليل وطلعت تانى الحجز وبعدين جم الصبح علشان أتسأل قدام النيابة باسم محمد سعيد محمد زى إمبارح وده اللى حصل.

س: متى وأين حدث ذلك؟

ج: إمبارح والنهارده بقسم الهرم.

س: ومن الشخص القائم بتلقينك اسم ذلك الشخص الذى قمت بالتحليل بدلاً منه؟

ج: هوه السجان بتاع حجز حداشر وتقريباً اسمه جمعة.

س: ومن الشخص الذى قمت بالتحليل بدلاً منه؟

ج: واحد اسمه محمد سعيد محمد.

س: وهل كان موجوداً أحد الضباط آنذاك؟

ج: هو إمبارح كان موجود ضابط اسمه أمير بيه واقف لما نزلونا علشان نحلل.

س: ما هو قصد سالف الذكر من ذلك؟

ج: معرفش.

س: وما علاقتك بكل من محمد خالد أحمد محمد - محمد إبراهيم عبدالعزيز - شريف سيد عبدالمنعم؟

ج: معرفهومش.