محتجز عن "كارثة الإيدز بالسجون": أنا محبوس في "مخدرات".. ومعرفش المصابين بالمرض

12:13 ص | الأربعاء 10 أغسطس 2016

قال وكيل نيابة الهرم، في الأوراق الرسمية التي كتبها عن التحقيق في "كارثة الإيدز بالسجون": "قُمنا بتنبيه الماثل خارج غرفة التحقيق، وتبين وجود المدعو محمد عزت أحمد خارجها، فدعوناه داخلها وبدأنا بسؤاله بالآتى أجاب:

اسمى/ محمد عزت أحمد عثمان، 35 سنة، أعمل مساعد كهربائى مقيم شارع الصوفى الفيوم ولا أحمل تحقيق شخصية.

(حلف اليمين)

س: ما سبب وجودك بديوان رقم شرطة الأهرام؟

ج: أنا محبوس فى قضية مخدرات.

س: وما هو الحجز المحبوس به بالقسم؟

ج: هو رقم سبعة.

س: وهل قمت بإجراء تحليلات مرض الإيدز؟

ج: أيوه أنا دخلت برقم ميه وثمانية وثلاثين.

س: وما تفصيلات إجراءات التحليلات تحديداً؟

ج: هو أنا كنت موجود فى الحجز وبعدين نادوا علينا وقالى رقمك فى الكشف ميه ثمانية وثلاثين بس مش فاكر الاسم بصراحة وبعدين طلعونا تانى للحجز وبعدين النهاردة طلعونا تانى بس محدش اتكلم معانا.

س: متى وأين حدث ذلك؟

ج: الكلام ده حصل أول إمبارح 8/3/2016 لما حللولى.

س: ومن الشخص القائم بإخبارك بالاسم ورقم التحليل تحديداً؟

ج: هو السجان اسمه إبراهيم ومعرفش باقى اسمه.

س: وما الشخص ورقمه الذى قمت بالتحليل بدلاً منه؟

ج: هو رقمه ميه وثمانية وتلاثين بس مش فاكر الاسم بالضبط.

س: وهل كان موجود أحد الضباط آنذاك؟

ج: أيوه كان فيه اتنين بس معرفش هما مين.

س: وما علاقتك بكل من محمد خالد أحمد محمد - شريف سيد عبدالمنعم - ومحمد إبراهيم عبدالعزيز؟

ج: معرفش.

س: وهل نما إلى علمك إصابة أى من سالفى الذكر بمرض الإيدز؟

ج: عرفت لما حللولنا.