أحد المحتجزين عن "كارثة الإيدز بالسجون": "قالوا لي قول في التحاليل إنك رمضان"

11:14 م | الثلاثاء 09 أغسطس 2016

قال وكيل نيابة الهرم، في الأوراق الرسمية التي كتبها عن التحقيق في "كارثة الإيدز بالسجون": "قُمنا بتنبيه الماثل خارج غرفة التحقيق، وتبين لنا وجود المدعو أحمد محمد إبراهيم خارجها، فدعوناه داخلها وبدأنا بسؤاله الآتى إجابته":

اسمى: أحمد محمد إبراهيم كيلانى، 32 سنة، وأعمل مكوجى، ومقيم 3 شارع أبوتمام التعاون فيصل الهرم الجيزة، لا أحمل تحقيق شخصية.

(حلف اليمين)

س: ما سبب وجودك بديوان قسم شرطة الأهرام؟

ج: أنا محبوس على ذمة تحقيق مخدرات.

س: وما هو الحجز المودع بالقسم؟

ج: أنا محجوز فى حجز إحدى عشر (11).

س: وهل قمت بإجراء التحليلات اللازمة لمرض الإيدز؟

ج: أيوه، همّا قالوا لى أنزل باسم واحد اسمه رمضان بس مش فاكر رمضان مين. س: وما هى تفاصيل ما حدث؟

ج: اللى حصل أن أنا كنت موجود فى الحجز، وإبراهيم السجان قال لى انزل علشان يعملوا لك تحليل لمرض الإيدز برقم خمسة وتسعين باسم واحد اسمه رمضان، بس ماعرفش باقى اسمه، ولما نزلت للجنة علشان التحليل قالوا لى انت رقم كام، وقلت له رقم خمسة وتسعين (95)، وعملوا لى التحليل وبعد كده طلعونى تانى على الحجز والنهارده فتحوا الحجز قالوا الناس اللى عملوا التحليل تنزل، علشان تتسئل قدام النيابة بس محدش قال لى إنى أتسئل باسم رمضان ده، وده اللى حصل.

س: متى وأين حدث ذلك؟

ج: الكلام ده حصل إمبارح والنهارده بديوان قسم شرطة الأهرام.

س: ومن الشخص القائم على تلقينك ذلك الرقم والاسم بكشوف إجراءات التحليل؟

ج: هوه السجان اسمه إبراهيم، وماعرفش باقى اسمه، وكان موجود بره باب الحجز الظابط جمال عبدالرازق.

س: ما اسم المدعو إبراهيم ثلاثياً؟

ج: ماعرفش اسمه بالظبط.

س: وما هو مضمون ما قرره لك سالف الذكر؟

ج: هو كان معاه كشف وقال لى انزل قول إنك رقم 95 باسم واحد اسمه رمضان، بس ماعرفش باقى اسمه.

س: وهل قرّر لك الضابط جمال عبدالرازق؟

ج: لا ماقاليش حاجة.

س: وهل كان الضابط جمال عبدالرازق موجوداً آنذاك؟

ج: هوّه كان واقف بسور الحجز بس أكيد عارف.