محتجز عن "كارثة الإيدز بالسجون": "معرفتش موضوع المصابين بالمرض إلا إمبارح"

11:29 م | الثلاثاء 09 أغسطس 2016

قال وكيل نيابة الهرم، في الأوراق الرسمية التي كتبها عن التحقيق في "كارثة الإيدز بالسجون": "قُمنا بتنبيه الماثل خارج غرفة التحقيق، وتبين وجود المدعو أحمد رجب ناعس، فدعوناه داخلها وبدأنا بسؤاله بالآتى أجاب:

اسمى/ أحمد رجب ناعس، 20 سنة، وأعمل سائق توك توك ومقيم بمركز سنورى الفيوم شارع الرى ولا أحمل تحقيق شخصية.

(حلف اليمين)

س: ما سبب وجودك بديوان قسم شرطة الأهرام؟

ج: أنا محبوس على ذمة قضية سرقة.

س: وما هو الحجز المودع به؟

ج: أنا محجوز فى حجز سبعة.

س: وهل قمت بإجراء تحليلات مرض الإيدز؟

ج: أيوه.

س: وما تفصيلات إجراءات تلك التحليلات؟

ج: نادوا علينا من الحجز وقالولى تعالى علشان تحلل قدام اللجنة باسم واحد بس مش فاكره وبعدين حللت وطلعت الحجز تانى وبعدين نادوا عليا النهاردة بس مش عارف نازل ليه.

س: ومتى وأين حدث ذلك؟

ج: الكلام ده حصل النهاردة وإمبارح بقسم الهرم.

س: ومن الشخص الذى قرر لك بتحديد ذلك الاسم والرقم لإجراء التحليلات؟

ج: هو السجان ومعرفش اسمه.

س: وما اسم ورقم الشخص الذى قمت بإجراء التحليل بدلاً منه؟

ج: هه رقم خمستاشر بس مش فاكر الاسم بصراحة.

س: وهل كان موجوداً آنذاك أحد ضباط القسم؟

ج: أيوه كان فيه ظابط بس معرفش اسمه إيه.

س: ما هو قصد سالف الذكر تحديداً من ذلك؟

ج: معرفش.

س: وما علاقتك بكل من محمد خالد أحمد وشريف سيد عبدالمنعم ومحمد عبدإبراهيم عبدالعزيز؟

ج: معرفهومش.