محتجز عن "كارثة الإيدز بالسجون": "قولتلهم ممكن التحاليل دي تأذي ناس تاني"

11:19 م | الثلاثاء 09 أغسطس 2016

قال وكيل نيابة الهرم، في الأوراق الرسمية التي كتبها عن التحقيق في "كارثة الإيدز بالسجون": "قُمنا بتنبيه الماثل خارج غرفة التحقيق والنيابة بوجود المدعو محمود محمد رمضان خارجها، فدعوناه داخلها وبدأنا بسؤاله بالآتى، أجاب:

اسمى/ محمود محمد رمضان حسن، 27 سنة، وأعمل بمجال السياحة ومقيم بأرض اللواء 25 شارع العمدة المهندسين الجيزة ولا أحمل تحقيق شخصية

(حلف اليمين)

س: ما سبب وجودك بديوان قسم شرطة الأهرام؟

ج: أنا محبوس فى قضية مخدرات.

س: وما الحجز المودع به تحديداً؟

ج: أنا موجود فى حجز رقم حداشر.

س: وهل قمت بإجراء التحليلات اللازمة لمرض الإيدز؟

ج: أيوه هما نزلونى إمبارح وإدونى رقم ميه وسبعة باسم مصطفى محمد.

س: وما تفصيلات إجرائك لتلك التحليلات تحديداً؟

ج: هما إمبارح طلعونا من الحجز وقالنا إبراهيم السجان إنى هتنزل تحلل برقم ميه وسبعة ولما وصلت عرفت إن اسمى مصطفى محمد وكان موجود جمال بيه عبدالرازق وأنا قولتلهم ممكن التحاليل دى تأذى ناس تانى وحللولنا إمبارح والنهارده نادوا علينا من الحجز علشان نتسأل قدام النيابة وقالى انزل اتسأل باسم إمبارح قدام النيابة وده كل اللى حصل.

س: متى وأين حدث ذلك؟

ج: الكلام ده حصل إمبارح والنهارده بديوان قسم شرطة الأهرام.

س: ومن الشخص القائم بتلقينك الاسم والرقم الذى قمت بالتحليل بدل منه؟

ج: هوه أمين الشرطة إبراهيم والضابط جمال عبدالرازق كان موجود.

س: وهل قمت بإجراء تلك التحليلات؟

ج: أيوه.

س: وما اسم الشخص الذى قمت بإجراء التحليلات بدلاً منه؟

ج: هو اسمه مصطفى محمود رقمه فى الكشف ميه وسبعة.

س: وما هو قصد سالف الذكر من ذلك؟

ج: معرفش بس هما خلونى مكان واحد تانى علشان أعمل التحاليل وأكيد ده غلط.

س: وما علاقتك بكل من محمد خالد أحمد محمد - شريف سيد عبدالمنعم - محمد إبراهيم عبدالعزيز؟

ج: معرفش حد فيهم.