مأساة «داليا»: بتدور على ابنها من 13 سنة.. وعمره فى الصورة 5

09:35 م | السبت 22 أغسطس 2015

بين أقسام شرطة وملاجئ ودور أيتام ومستشفيات، لم يهدأ قلب داليا حسن، فى رحلة البحث عن طفلها «ضياء عبدالخالق بدوى»، الذى اختفى منذ 13 عاماً، ولا تزال تبحث عنه حتى الآن. كان طفلاً عمره لا يتجاوز 5 سنوات وقت اختطافه والآن أصبح شاباً يافعاً ومع ذلك لم تفقد «داليا» الأمل فى العثور عليه.

كان «ضياء» يلعب أمام منزله بقرية صافور ديرب نجم محافظة الشرقية، وفجأة اختفى: «من 13 سنة دموعى ما وقفتش على ابنى ضياء، وهفضل أدور عليه لحد آخر يوم فى عمرى»، مؤكداً أنها بحثت عنه من كل شبر من أرض مصر، من الصعيد إلى الدلتا لم تترك قرية إلا ودخلتها للسؤال عنه: «لغاية دلوقتى بدور على ابنى بصورته وهو عنده 5 سنين، وهو لو عايش دلوقتى هيبقى عمره 18 سنة، ضياء كان عنده وحمة بنى فى نهاية فخده من ورا وكان عنده غرز فى راسه يعنى سهل أتعرف عليه».

واقعة اختفاء «ضياء» ما زالت تتذكرها «داليا» بتفاصيلها، كان طفلها يلهو أمام المنزل وتحديداً إلى جوار مسجد قريب، وفاجأه رجل يقود سيارة ماركة «فيات» حمراء، طلب منه أن يركب معه ليذهبا إلى والده: «عندى ولاد تانيين غير ضياء أكبر وأصغر بس وجع قلبى على ابنى اللى اتخطف منى مابينيمنيش الليل».

حزن دفين تشعر به «داليا» وهى تشاهد أقران ابنها، وهم يذهبون للمدرسة، ويتقدمون بأوراق التحاقهم بالجامعات: «صحاب ابنى دلوقتى داخلين جامعة، لما بشوف اللى زيه وهما رايحين وجايين من الدروس والمدرسة بموت من قهرى».