وزير الري: أثيوبيا تتحدث عن أزمة كهرباء.. طب ليه بتصدرها للخارج؟
وزير الري: أثيوبيا تتحدث عن أزمة كهرباء.. طب ليه بتصدرها للخارج؟
قال الدكتور محمد عبدالعاطي وزير الموارد المائية والري، إن إثيوبيا، تتحدث عن أن 70% من شعبها يعانون من عدم وجود كهرباء: «بس السؤال للمسؤولين في إثيوبيا، ليه أغلب الكهرباء التي تقوم بإنتاجها يجري تصديرها للخارج؟، لو انتم حريصين على الشعب الإثيوبي، ليه مش بتوصلولهم كهرباء، مصر لم تمنع إثيوبيا من توليد الكهرباء من السد».
وأضاف «عبدالعاطي»، خلال حواره في برنامج «من القاهرة»، مع الإعلامي عمرو عبدالحميد، على شاشة «سكاي نيوز عربية»، أن مصر في اتفاق واشنطن، ضمنت لإثيوبيا في أسوأ السيناريوهات -أي فترة الجفاف- توليد 85% من كهرباء السد: «إحنا مش ضد الشعب الإثيوبي، ولا ضد التنمية للدولة الإثيوبية، إثيوبيا اخواتنا وأهلنا».
وأشار وزير الموارد المائية والري، إلى أن مصر على استعداد للاستثمار والتنمية للشعب الإثيوبي، وحريصون على ذلك: « لكن نهر النيل ده نهر دولي، تعالوا نحسب ونشوف مين عنده إيه، إحنا نتجنب الكلام عن الحصص لأنه لو اتحسبت بالورقة والقلم إحنا لينا لسه مياه فوق الـ55.5 مليار متر مكعب، لينا حقوق ثانية في المياه».
وتابع: « ببساطة خالص لو احنا اتكلمنا عن 100 مليون رأس ماشية مقارنة بمصر، إحنا عندنا مليون رأس ماشية فقط، الـ100 مليون رأس تستهلك 84 مليار متر مكعب مياه سنويا، إثيوبيا تزرع حوالي 90 مليون فدان، ما دي مياه، سواء بقى زراعات مطرية أو زراعات مروية، منين يقولوا حصتهم صفر ولا نصيبهم صفر؟».
وواصل: «هل ده تسويق داخلي ولا خارجي؟، لازم نكون عادلين ومانسوقش معلومات غلط عشان مانسممش جو المفاوضات ومانسممش العلاقات بين الشعوب».
