وزير الري: قدمنا أكثر من 15 سيناريو في مفاوضات السد.. إثيوبيا بتتحجج

09:02 م | السبت 27 مارس 2021

قال الدكتور محمد عبد العاطي، وزير الموارد المائية والري، إن مصر قدّمت عشرات السيناريوهات في مفاوضات الخاصة بالسد الإثيوبي: «مش هقول قدمنا 15 سيناريو فقط، هما أكتر بكتير جدًا، بس اتحججوا شوية وقالوا انتوا بتحسبوا من المياه اللي جاية السد العالي والمياه دي جاية من أنهر كثيرة، أعملوا على النيل الأزرق».

وأضاف « عبد العاطي»، خلال حواره في برنامج «من القاهرة»، مع الإعلامي عمرو عبد الحميد، على شاشة « سكاي نيوز عربية»: «عملنا على النيل الأزرق قالوا احنا عندنا مشروعات تانية، طب هما عاوزين ايه بالضبط؟، عاوزين يوصلوا لاتفاق حول ملء وتشغيل السد ولا مش عاوزين يوصلوا؟».

أثبتنا حسن نيتنا في أكثر من موقف

وأشار وزير الموارد المائية والري، إلى أن الجانب الإثيوبي يرمي دائمًا التأخير والمعوقات على الجانب المصري، «احنا أثبتنا حسن نيتنا في أكثر من موقف، فتوقيع اتفاق المبادئ ده إثبات حسن نيه، والتوقيع على اتفاقية واشنطن بالأحرف الأولى إثبات حسن نية»، موضحًا أنه يتمنى من الطرف الآخر إثبات حسن نيته بدل الترويج بالمظلومية.

وتابع: «نتوقع من الطرف الاخر بدل الكلام الكتير والترويج أنه مظلوم يثبت حسن نيته وجديته في الوصول لاتفاق، احنا لم نعترض على السد بنقول احنا عاوزين لكم تنميه بس نشتغل مع بعض».