شقيق سيدة السلام: «كانت على خلاف مع مالك المنزل وطلب منها 15 ألف جنيه»
شقيق سيدة السلام: «كانت على خلاف مع مالك المنزل وطلب منها 15 ألف جنيه»
قال يوسف، شقيق سيدة السلام، إن شقيقته طلبت من أحد الأشخاص أن يحضر لها أنبوبة، فأحضرها لها ودخل إلى شقتها لكي يقوم بتغييرها: «قال لها مش هينفع أجيبهالك قبل الساعة 11، وكانوا سايبين الباب مفتوح، لكن البواب وصاحب العمارة طلعوا واتهجموا عليها، وقالوا لها اخلعي هدومك وهنصورك».
وأضاف شقيق سيدة السلام في مداخلة هاتفية عبر برنامج «كلمة أخيرة»، الذي تقدمه الاعلامية لميس الحديدي على شاشة «on»: «طبيعي أنها من كتر الضرب والقرف اللي شافته أنها هترمي نفسها أو هم اللي رموها، وأختي وزنها تقيل وسور البلكونة عالي، ومش هتقدر ترفع رجلها عشان تقفز، والناس دي يا إما كانوا عاوزين ياخدوا حاجة في الشقة أو عاوزين يعتدوا عليها».
وتابع، أن شقيقته منفصلة عن زوجها، كما أن أبناءها الثلاثة يعيشون معه: «انفصلت عن زوجها، ولديها طالب في المرحلة الثانوية والآخر في الإعدادية وطفلة صغيرة، وكلهم يعيشون مع والدهم، والراجل كان بيغير الأنبوبة والباب مفتوح، ولما كان خارج دخلوا وفضلوا يضربوا فيهم، وعرفت القصة دي من القسم، ظابط كويس ومرضيش يضحك عليّ».
وأردف شقيق الضحية، أنها كانت على خلاف مع مالك المنزل: «طلب منها 15 ألف جنيه للمرافق والسلالم والأسانسير، أعطتهم إياه، ومعملش حاجة، زهقت وقالت للناس يشوفوا لها مشتري وإنها عاوزة تعزل، وكان بيضايقها، وكانت بتروح عند خالتي عشان تبات، لكن في يوم الحادث، راحت تغير الأنبوبة عشان تعمل أكل لعيالها، وكل اللي بطلبه إن ربنا يشفي غليلي ويجيب حقها».
