والدة الشهيد محمد سمير: كان يحلم بالشهادة منذ أن كان في الابتدائية

12:15 م | الثلاثاء 09 مارس 2021

قالت أميمة محمد، والدة الشهيد عقيد أركان حرب محمد سمير، إن ابنها فخر لأسرته وأهله بسبب سيرته الجميلة والطيبة، موضحة، «لما بسمع سيرته راسي بتبقى لامسة السماء من الكلام اللي بسمعه عنه، وكنت دايمًا أقول إنه حاجة جاية من الجنة من صغره عشان تسعدنا وتورينا الحاجات الحلوة، ورجع تاني لمكانه الطبيعية».

كان متفوقًا في تعليمه

وأضافت «محمد»، خلال مداخلة هاتفية مع الإعلاميان حسام حداد وجومانا ماهر، في برنامج «صباح الخير يا مصر»، المذاع على الفضائية المصرية والقناة الأولى، أنه كان متفوقًا في تعليمه، وفي نهاية المرحلة الابتدائية ذهب مع والده لزيارة موقع «تبة الشجرة» في محافظة الإسماعيلية، بعدها زرنا دبابة عساف ياجوري وهو القائد الإسرائيلي الذي أُسر في حرب أكتوبر.

قال يارب لما أكبر عاوز أبقى في الجيش واُستشهد على أرض الفيروز

وتابعت، «محمد لم يكن مصدقًا ما سمعه، ونزل على الأرض وملأ يديه بالرمال، وقال يارب لما أكبر عاوز أبقى في الجيش وأُستشهد على أرض الفيروز، ومن ساعتها مبقاش في دماغه إلا أنه يلتحق بالكلية الحربية، وكل كتبه كتب عليها محمد سمير إدريس ضابط في الجيش المصري، والشهيد محمد سمير إدريس».

كان يقول «نفسي تحصل أي حاجة عشان أستشهد»

وأشارت، إلى أنه حصل على مجموع 95% في الثانوية العامة ولم يفكر إلا في الالتحاق بالكلية الحربية، «كان دايما يقول نفسي تحصل أي حاجة عشان أستشهد، كان عاوز تروح حرب عشان يروح سيناء ويستشهد».

وحول آخر لقاء مع نجلها، قالت، إن «وقته كان ضيقًا ومكنش بينزل إجازات كتير، وفي آخر غجازة قعد معانا 8 أيام، قعدهم كلهم معايا، وقبل ما ينزل طلب مني أجمع إخواتي، وقضينا وقت جميل ووشه كان كله نور، زار أخته في الغردقة وقبر والده وزار أعمامه في طنطا، وبعدها سافر البلد وسلم على أخواله وقضى معاهم يوم أجمل يوم وقعد يحكي، وبعدها سافر ومات».