وزير العدل: رسوم الشهر العقاري أقصاها 2000 جنيه «عشان كلامي يبقى واضح»
وزير العدل: رسوم الشهر العقاري أقصاها 2000 جنيه «عشان كلامي يبقى واضح»
قال المستشار عمر مروان، وزير العدل، إن 5% فقط من الوحدات السكنية والعقارات في مصر مُسجلة، وباقي العقارات غير مسجلة، وهذا بالطبع وضع شاذ، «ده وضع مايصحش مع مصر الرقمية ومصر الحديثة والتوجه اللي احنا ماشيين فيه، عشان كده قولنا عاوزين نشوف إيه مشكلة التسجيل».
مشكلة التسجيل في الشهر العقاري لم تكن أبدًا في مبلغ الرسوم
وأضاف «مروان»، خلال مداخلة هاتفية في برنامج «الحكاية»، مع الإعلامي عمرو أديب، على شاشة «mbc مصر»، أن مشكلة التسجيل في الشهر العقاري بكل صراحة ليست في أزمة الرسوم، «الأزمة كانت في إجراءات التسجيل، كانت فيها تكرار ومكلكعة وعقيمة، وعملنا على حل تلك الأزمة».
هناك نوعان من التسجيل في الشهر العقاري.. رضائي وقضائي
وأشار وزير العدل، إلى أن هناك نوعين من التسجيل في الشهر العقاري، فهناك تسجيل رضائي وآخر قضائي، «التسجيل الرضائي أن البائع والمشتري ياخدوا إيدهم في إيدين بعض ويروحوا الشهر العقاري يمضي بائع ومشتري ويدفع الرسوم، ورسوم الشهر العقاري حدها الأدنى 500 جنية و الأقصى 2000 جنية عشان يبقى كلامي واضح».
سبب عزوف المواطنين عن التسجيل في الشهر العقاري
وتابع: «بس بيقتضي التسجيل الرضائي ده أن المالك يكون مسجل ملكيته، لو مكنش مسجل ملكيته مش هيعرف يسجل رضائي عشان كده نسبة التسجيل الرضائي قليلة عشان كده».
