سميرة سعيد: أمي خلفت 8 أولاد ووزنها توقف عند 46 كيلو

كشفت الفنانة سميرة سعيد، جانبًا من حياة عائلتها، حيث أشارت إلى أن عدد أخواتها 8، وأنهم جميعًا متعلمون.

وقالت «عدد أخواتي 8، كان الظاهر ساعتها مفيش تحديد للنسل في المغرب والحياة مقتصرة على التلفزيون والحياة الأسرية، والكهرباء بتتقطع كتير، أبويا كان قادر يكفي تعليمنا وحياتنا، لغاية ما خد التقاعد، وكل اخواتي متعلمين وأخدوا شهادات كبيرة، أخويا (أنيس) راح بلجيكا عمل دكتوراه في القانون، وعنده 3 بنات، هو اللي إداني حقنة حب أم كلثوم».

وأضافت «سعيد» خلال لقاء ببرنامج «السيرة»، المذاع على شاشة قناة «dmc»، وتقدمه الإعلامية وفاء الكيلاني، «بابا كان دايما بشوفه شايل حاجات، عشان يسد أفواه الارانب، الحمد لله أن اخواتي 8 عشان هما سند رائع، مستغربة أن أمي تخلف 8 وفضل وزنها 46 كيلو طول الوقت، لحد ما توفت، ودماغها كانت شغالة دايما عشان كدة بتحرق كتير».

وتابعت: «بابا كان حنين بس مش بيبين، كان حنين جدًا وواعي جدًا بتفاصيل المستقبل، بس عمره ما باسنا، معندهوش الحتة دي، لو كان بيبن كان أحسن لكن الأحلى أنه خلانا كلنا نتعلم، ونكمل دراستنا، ومكنش بيواجهنا بغلطاتنا، وبيصدر ماما، اللي كانت مش بتتكسف خالص، لو شايفة حاجة وهتزعله متهمهاش وتقوله».

وواصلت: «أنا عشت عيشة الكبار من وأنا عندي 9 سنين، لما بدأت اتشهر، كانوا بيسموني (الطفلة المعجزة) وكنت متقمصة دور أم كلثوم، وفي مرة اتضربت بحجارة من ولاد جت في رجلي، كانوا بيقلوا أدبهم، محصليش تحرش بشكل واضح بس معاكسات عادية».

وطرحت النجمة سميرة سعيد أغنيتها الجديدة «بحب معاك»، عبر قناتها الرسمية بموقع الفيديوهات يوتيوب وعبر صفحاتها الرسمية بالمنصات الالكترونية ومواقع التواصل الاجتماعي.

وكانت سميرة سعيد قررت مع بداية عام 2021 أن تعتمد على طريقة جديدة لطرح ألبومها الجديد، حيث تقدم خلالها أغنيات الألبوم على مدار العام بالكامل بطرح أغنية أو أكثر خلال كل شهر. 

• سميرة سعيد
• الفنانة سميرة سعيد
• السيرة
• وفاء الكيلاني
• سميرة سعيد
• الفنانة سميرة سعيد
• السيرة
• وفاء الكيلاني