سميرة سعيد: «كنت طفلة شقية.. ومش بخالط أصحابي في الفصل»
سميرة سعيد: «كنت طفلة شقية.. ومش بخالط أصحابي في الفصل»
- سميرة سعيد
- الفنانة سميرة سعيد
- المغرب
- السيرة
- وفاء الكيلاني
- سميرة سعيد
- الفنانة سميرة سعيد
- المغرب
- السيرة
- وفاء الكيلاني
كشفت الفنانة سميرة سعيد، جانبا من حياتها في الطفولة، قائلة إنها كانت طفلة شقية للغاية ومشهورة، ما أدى ذلك لجعلها تتعامل مع الكبار وكأنها شخص كبير، «من وأنا عندي 9 سنين بقعد مع الكبار، ملحنين، حتى اللي بيجولنا البيت عشان يسمعوني والمدرسين بالدرسة».
طريقتي وأنا صغيرة كانت أكبر من سني
وأضافت «سعيد»، خلال لقاء ببرنامج «السيرة»، المذاع على شاشة قناة «dmc»، وتقدمه الإعلامية وفاء الكيلاني، ومكنتش بخالط التلاميذ اللي معايا في الفصل، لأن عندي طول الوقت ناس كبار، بشوفهم بيتعاملوا ويتكلموا ويتصرفوا إزاي، وأي حد بيقابلني بيقولي طريقتك أكبر من سنك بكتير، وعشان كدة بيقول عليا أروبة وشقية وبفهم».
أمي وأبويا دايما بيناكفوا في بعض
وعن شهرتها بعد الكبر، قائلة: «الشهرة بقت جزء من حياتي، ومع الوقت لقيت نفسي بحب الناس اللي بحبهم، أنا شخصية مش عصبية وهادية طول الوقت بس أروبة بفهم بسرعة، وماما كانت كدة، بتعرف ما وراء النوايا».
وواصلت: «أنا من عيلة (بنسعيد) وأصلها من الأندلس، وراحوا المغرب، وانتشروا في مدنها، فيه ناس كتير فاكرة إن أبويا اسمه سعيد بس الحقيقة أن العيلة اسمها كدة، بس طول الوقت أمي وأبويا بيناكفوا في بعض بس في طور الاحترام».
طرحت النجمة سميرة سعيد أغنيتها الجديدة «بحب معاك»، عبر قناتها الرسمية بموقع الفيديوهات يوتيوب وعبر صفحاتها الرسمية بالمنصات الالكترونية ومواقع التواصل الاجتماعي.
وكانت سميرة سعيد قررت مع بداية عام 2021 أن تعتمد على طريقة جديدة لطرح ألبومها الجديد، حيث تقدم خلالها أغنيات الألبوم على مدار العام بالكامل بطرح أغنية أو أكثر خلال كل شهر.
وجاءت أغنية «بحب معاك»، من كلمات محمود طلعت، وألحان أحمد العدل، وتوزيع موسيقى أحمد حسام، والفيديو كليب من إخراج نضال هانى.
