حكيم: عيطت في الشارع بعد أول تعاقد ليا.. وحميد الشاعري قرفته حلوة
حكيم: عيطت في الشارع بعد أول تعاقد ليا.. وحميد الشاعري قرفته حلوة
- حكيم
- المطرب حكيم
- حميد الشاعري
- إيهاب توفيق
- الغناء الشعبي
- حكيم
- المطرب حكيم
- حميد الشاعري
- إيهاب توفيق
- الغناء الشعبي
روى الفنان الشعبي حكيم، ذكريات دخوله عالم الغناء والتعاقد مع إحدى الشركات، قائلا: «فايز عزيز أول واحد سمعني بعد حميد الشاعري، هو معايا لحد دلوقتي، وبعتبره أخويا الكبير، لأنه وجهني وعلمني، وكان ماسك الراية قدامي وأنا بعدي وراه، هو وسامح المنياوي وهاني ثابت، كانت مجموعة فكر متحضر ومتطور».
شركة سونار كانت حلم حياتي
وأضاف حكيم، في الجزء الثاني من لقائه ببرنامج «سهرانين»، المذاع على شاشة قناة ON، ويقدمه الفنان أمير كرارة، «لما فايز سمعني مع حميد الشاعري، وقالولي إحنا شركة سونار، عينيا برقت ومصدقتش لأن كان حلم بالنسبة ليا، لأنها أكبر شركة غناء في الوطن العربي ساعتها، وكان فيها محمد منير وحمدي الشاعري ومصطفى قمر وإيهاب توفيق وحنان وسمير الإسكندراني ومحمد رؤوف وعلاء عبدالخالق».
اللي يشتغل مع حميد الشاعري ينجح
وتابع: «لما عرفت إنّها شركة سونار مصدقتش، ولما نزلت من الاستديو كنت طول الطريق عمال أبكي من الفرحة، لأن حاجة اتمنتها من ربنا إني أمضي مع الشركة دي، ويلف بيا الزمن، ونتقابل عشان يقولولي إحنا شركة سونار، عاوزين نمضي معاك».
أغنية «نظرة» فتحة خير عليا
وواصل: «أغنية (نظرة) كانت فتحة خير عليا وعلى الناس اللي حواليا كلهم في الوقت ده، الأغنية دي نزلت سنة 91، وكانت بالنسبة للوسط والجو العام للموسيقى نقلة في الشعبي، وودت الأغنية الشعبي في حتة تانية خالص، اللي يشتعل مع حميد الشاعري ينجح، وقرفته حلوة على الناس».
وطرح حكيم مؤخرا كليبه الجديد «أخبار الطقس»، عبر قناته على يوتيوب، وبعدها بساعات قليلة سأل الجمهور عبر إنستجرام عنه، قائلا: «مين صاحي دلوقتي ويكون سمع الأغنية الجديدة (أخبار الطقس) ويقولي رأيه إيه، وعلى فكرة أنا قاصد أعمل حاجة فيها فرحة وبهجة الأيام دي».
