بريد الوطن.. أم الشهيد
بريد الوطن.. أم الشهيد
جبت الفازة وحطيت ميه
ابعت وردك
فجر العيد بيشقشق اصحى
جدد عهدك
استنيتك تيجى ف حضنى
زى عوايدك
وتبوس خدى وتهنينى
وأبوس يدك
أسأل عنك تسأل عنى
واسمع ردك
ف ودنى كلامك والله واحشنى
حتى ف عندك
لما فديت بلدك يا حبيبى
سعدنا سعدك
ببعت ليك برسالة واحشنى
اوفى بوعدك
زرنى اليوم ف منامى طمنى
الخير عندك
أنا هستنى تيجى ف حضنى
زى عوايدك
أول عيد بيعدى عليّا
من غير ودك
جبت الفازة وحطيت ميه
وناقص وردك
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
