"قنديل" يذيع تسجيلا لـ"عبدالله الشريف" متحدثا عن أمل عبدالله: "غيظاني"

08:55 م | الخميس 16 أبريل 2020

تحدث المحلل السياسي محمد قنديل عن حقيقة الإخواني عبدالله الشريف، وأقسم في بداية حديثه على القرآن الكريم بأن كل ما سيعرضه في الثلاث حلقات الخاصة بعبدالله الشريف هي مستندات وتسريبات حقيقية، سواء كانت صوتية أو كتابية أو فيديو "أقسم بالله العظيم أن كلامي صحيح وصادق ولعنة الله عليا إن كذبت في حرف واحد هذه الحلقة".

وقال قنديل: "إحنا ضد قصة الفضائح والتسريبات، ولكن لما نلاقي إنسان بيهاجم البلد بضراوة ومن ضمن المهاجمات بيستخدم التسريبات، وبيجيب صور وفضائح بيزعم إنها لمسؤولين وجمهوره بيهلله ولما نيجي نتكلم إحنا بطلبوا مننا نغض بصرنا عن الحاجات دي.. لكان طالما بتتقبلوا الخوض في الحياة الشخصية لحياة الإنسان فتقبلوا الخوض في زعيمكم وخروفكم الأكبر".

وأضاف قائلا: "عبدالله عمل حلقة حلقة على الأستاذة أمل عبدالله كلها شخصنة ونفسنة وقلة أدب، ومعانا تسريب بيقول إنه بيرد عليها لأنها مكلمتهوش بالمنطق والاحترام والأدب".

وأذاع قنديل تسريبا لعبدالله الشريف، وهو يتحدث عن حلقته وحديثه عن أمل عبدالله: "الحمد لله إني شفيت غلي منها البت دي كانت غيظاني أوي، ناس كتير بنتنقد بأدب واحترام هي لو كانت عملت فيديو انتقاد وخلاص مكنتش هاجي جنبها لكن تهني وتطلع عليا اسم لأ جات في منطقتي اللي ييجي عليا ميكسبش".

واستكمل قنديل: "كلامي الــ3 حلقات بتوع عبدالله الشريف موجه لأصدقاء عبدالله الشريف المقربين والستات اللي بيكلمهم ومتغرغر بيهم، اللي هما عارفين صوته كويس أوي و تعبيراته وأسلوبه في الكلام.. القصة مش قصة إن عبدالله حبيب على نفسه هو حر في حياته الخاصة لكن هو اتعرض لحياة ناس وهو بيقول إنه شيخ وبيدعي إنه شيخ.. عبدالله عنده بنات وكما تدين تدان ومراعاش القصة دي ومراعاش إنه مراته عندها كانسر في المخ واللي وقفت معاه من الأول ولا ابنه اللي في الحضانة".