السيسي: عندنا احتياطيات على جنب.. ولو احتجناها هنطلعها
السيسي: عندنا احتياطيات على جنب.. ولو احتجناها هنطلعها
- السيسي
- كورونا
- فيروس كروونا
- الرئيس عبدالفتاح السيسي
- اصطفاف القوات المسلحة
- السيسي
- كورونا
- فيروس كروونا
- الرئيس عبدالفتاح السيسي
- اصطفاف القوات المسلحة
قال الرئيس عبدالفتاح السيسي، إنّ الـ6 سنوات الماضية شهدت جهدا كبيرا وتخطيطا طموحا للدولة المصرية.
وأضاف الرئيس السيسي خلال تفقده عناصر اصطفاف القوات المسلحة لمجابهة فيروس كورونا، أنّ هذا الجهد والتخطيط في كل قطاعات الدولة: "مسبناش قطاع من القطاعات غير لما اتدخلنا وبذلنا فيه جهد عشان نطور القطاع ونخليه يصل بالمستوى اللي بنتمناه لبلدنا مصر".
وأكد الرئيس السيسي وجود معدات جاهزة للتعامل مع الأزمة، مشيدا بقرار الشراء الموحد للمستلزمات الطبية: "بفضل الله علينا لما كنا بنتكلم على الشراء الموحد للمستلزمات والأدوية في الدولة المصرية ده كان لها تأثير كبير جدا، وبالتالي لما بنيجي نقول يا ترى عندنا احتياطيات مناسبة للأزمة دي".
وأوضح الرئيس السيسي أنّه بطبعه يحرص على وضع بعض الاحتياطات الجانبية تحسبًا لمواجهة أي أزمة: "مش بتكلم على وزارة الصحة واحتياطياتها ولا القوات المسلحة واحتياطياتها، وبتكلم على احتياطيات أخرى ودي طبيعتي على كل حال".
وتابع: "طبيعتي كإنسان دايما أحب يكون عندي احتياطيات على جنب لمجابهة ظرف مش متوقع، وجه الوقت اللي إحنا لو احتاجنا ده هنطلعه، وبقول هذه الاحتياطيات لن تمس إلا بعد العرض عليّ".
