موسى لنشأت الديهي بعد عودة TEN: "مستمتع وأنا بشوفك".. والأخير: ربنا يديم المحبة
موسى لنشأت الديهي بعد عودة TEN: "مستمتع وأنا بشوفك".. والأخير: ربنا يديم المحبة
هنأ الإعلامي أحمد موسى، الإعلامي نشأت الديهي على عودة قناة "TEN" للعمل مرة أخرى.
وقال موسى خلال مداخلة هاتفية ببرنامج "بالورقة والقلم" الذي يقدمه الإعلامي نشأت الديهي على شاشة "TEN": "مبروك العودة ومستمتع وأنا بشوفك وكان لازم ترجع لمكانك وجمهورك ولبلدك وتقف معاها وتدافع عنها وكنا مفتقدينك جدا".
وأضاف أن الجمهور الوطني المحب لمصر كان مفتقد الديهي جدا، و"مينفعش أبدا الأصوات اللي بتدافع عن البلد تقعد في البيت، الناس اللي مع بلدها مكانها الشاشة أو في إيدها القلم أو أمام ميكرفون الإذاعة".
وتابع: "لازم نشوفكم ونسمعكم ونقرالكم دايما، خصوصا في الوقت اللي مصر بتواجه تحديات لم تواجهها من قبل، ومينفعش نلاقي الناس اللي بتدافع عن البلد يتقلصوا لأن الوقت دا محتاج الناس كلها تبقى شغالة".
وأكد أنه من أنصار عدم جلوس المدافعين عن الدولة في بيوتهم بعيدا عن عملهم لصعوبة المرحلة الراهنة، ووجه موسى التحية للإعلامي نشأت الديهي والإعلامي عمرو عبدالحميد وكل العاملين بالقناة، وأضاف ضاحكا: "يلا يا نشأت جلجل".
ليرد عليه الديهي: "أنت أخ وربنا يديم المحبة في الله والوطن، ولازم أقول للناس إنه فور توقف القناة قال الإعلامي أحمد موسى على الهواء مباشرة إن برنامجه مفتوحلي وطلب مني أقعد جنبه في الاستديو، والكلام دا مش للاستهلاك".
وتابع: "قالي بيني وبينه يلا يا راجل اطلع معايا السبت اللي جي، أقعد جنبي واتكلم، معركتنا واحدة، ولغتنا واحدة ويلا نشتغل ومتقعدش في البيت".
ليرد عليه موسى: "اللي بينا محبة وثقة، إحنا بنكمل بعض، مصر في ظرف صعب جدا، وأنت مينفعش تقعد في بيتك أو عمرو عبدالحميد يقعد في بيته، ولازم أشكر أصحاب هذا المكان، وأما قلت إن برنامجي برنامجك مكنتش بقول كلام وخلاص، وكنت بقول كلام مؤمن بيه وعودتك فرحة كبيرة جدا".
