استعدادا لأمطار الشتاء: 65 سقفا لستر بيوت الفقراء في قرى الجيزة بالجهود الذاتية
استعدادا لأمطار الشتاء: 65 سقفا لستر بيوت الفقراء في قرى الجيزة بالجهود الذاتية
- تركيب أسقف
- القرى الفقيرة
- الشتاء
- الجيزة
- الأمطار
- السيول
- متطوعون
- تركيب أسقف
- القرى الفقيرة
- الشتاء
- الجيزة
- الأمطار
- السيول
- متطوعون
حاولوا حماية الفقراء من البرد والأمطار، وتركيب أسقف لأسطح منازلهم بالمجان، فكرة نفّذها مجموعة من الشباب من محافظة الجيزة بالجهود الذاتية، لحماية بعض القرى الفقيرة على نطاق المحافظة، وحماية أهلها عن طريق بناء أسقف لمنازلهم وترميمها، لتحميهم من الأمطار والسيول خلال فترة الشتاء.
65 سقفاً هى حصيلة المنازل التى قام الفريق بمساعدة أهلها منذ بداية فصل الشتاء: «الفريق مجهوداته كلها قائمة على الجهود الذاتية والتبرّعات العينية، إحنا مش بنقبل فلوس لكن لو حد عاوز يتبرع بخشب، حد تانى عاوز يتبرع بمسامير وهكذا، وثواب الخير بيعم على الجميع»، فى البداية يقوم بعمل بحث ميدانى لمعرفة أماكن الحالات: «إحنا بننزل الشوارع وبنروح جوه البيوت وبنقدر نوصل للحالات ونجمعهم».
يستهدف الفريق مساعدة أهالى القرى الفقيرة بمحافظة الجيزة: «رُحنا أبوصير وسقارة، عدد المتطوعين كل يوم فى زيادة عن اليوم اللى قبله، شباب بيحبوا عمل الخير، كله طمعان فى الثواب، إحنا مش بنخلى الأهالى يعملوا معانا أى حاجة».
يصل عدد المتطوعين بالفريق إلى ٦٥ متطوعاً: «إحساس الستر جميل، بدل ما الأهالى قاعدين فى الطل كده، الفكرة بدأت معانا من بعد الثورة، ومكملين».
هطول الأمطار والسيول بغزارة منذ بداية فصل الشتاء كان السبب وراء تنفيذ الفريق للفكرة: «فيه كتير من أهالينا بيوتهم بتغرق فى الشتاء، وبيتبهدلوا بطريقة ماتتوصفش، وده كان سبب وراء إننا اتحركنا علشان ننقذهم».
يقوم الفريق بتركيب الأسقف على المنازل بكل خطواتها: «هى أسقف من الخشب، الشباب هما اللى بينفّذوها بنفسهم، صوت الشواكيش بيفوقهم وبيخلى الحماس جواهم يزيد علشان يقدروا ينجزوا كل المهام».
