متطوعون يواجهون مشاكل الشوارع الجانبية: منسية طول عمرها
متطوعون يواجهون مشاكل الشوارع الجانبية: منسية طول عمرها
- مشاكل الشوارع
- العمرانية
- مبادرة «هنغيرها.. طلباتك أوامر»
- مشاكل الإنارة
- مبادرة
- مشاكل الشوارع
- العمرانية
- مبادرة «هنغيرها.. طلباتك أوامر»
- مشاكل الإنارة
- مبادرة
«هنغيرها، طلباتك أوامر»، شعار رفعه بعض الشباب بمنطقة عز الدين عمر التابعة لحى العمرانية، فى خطوة منهم للحفاظ على الشوارع الجانبية فى المنطقة، والاهتمام بمشكلاتها، مثل الشوارع الرئيسية.
محمد عبدالتواب، صاحب الفكرة، يقوم مع فريق العمل الخاص به بالتطوع لخدمة جيرانه، وتلقى كل الشكاوى الموجودة منهم بشكل كتابى للعمل على حلها أو إرسالها إلى الحى: «إحنا قررنا نهتم بكل شبر فى المنطقة، ونقدم كل الشكاوى للحى علشان نحطهم قدام الأمر الواقع، إحنا كل ما نقول على مشكلة فى شوارعنا يقولوا أنتم ماقدمتوش شكوى، إحنا مش عاوزين يكون فيه أى حجة».
"عبدالتواب": دى مبادرة بجهودنا الذاتية.. واللى بنقدر عليه بنعمله
مشاكل مختلفة تلقاها الفريق على مدار الأيام الماضية، بعضها يتعلق بطفح للمجارى فى بعض الشوارع، والبعض الآخر يتعلق بمشكلات فى أعمدة الإنارة، استعداداً للشتاء: «فيه أعمدة مليانة أسلاك عريانة، محتاجة حل وتدخّل سريع، خاصة أننا داخلين على فصل الشتاء»، ويقوم الفريق بتلافى كل المشاكل الموجودة بالجهود الذاتية: «بنحل مشاكل الإنارة فى المنطقة علشان طلاب المدارس، وبندهن الشوارع، ونجمع القمامة، ونساعد السيدات الغارمات».
يُعد شارع «التربية والتعليم»، أكثر الشوارع الجانبية التى تلقى الفريق شكاوى منها: «أكتر حاجة مضايقة السكان الحديد الخرسانى لحجز أماكن انتظار السيارات».
نشاط الشباب، شجّع السكان على التفاعل مع المبادرة.
