بريد الوطن| حلمها المقتول
بريد الوطن| حلمها المقتول
ولا انت كمان هتوحشها
يادوب أنفاس وهتعيشها
ومش فارقة.. تكون ذكرى
ف درج قساوتك المقفول
ومش لازم.. يكون بكرة
حقيقة حلمها المقتول
خلاص عرفت تكون زيك
خلاص خلعت عيون ضيك
فعيش وحدك
وسيبها تعيش
وخلى ما بينكو سطرين شعر
يجوز بكرة يعدى العمر
تقضّى الوقت من غيرها
وتهدى العوزة والحاجة
فعيش بيها ومن غيرها
خلاص مبقتش محتاجة
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
