بريد الوطن| الأمـل
بريد الوطن| الأمـل
حتى لو خرستى صوتى
حتى لو ضربتينى بميت
سوط وسوط
حتى لو كسرتى عضمى
وقالوا خلاص دى أكيد شافت الموت
حتى لو استحليتى دمى
حتى لو كترتى همى
حتى لو زرعتينى فى الأرض بدل النبات شوك
حتى لو نشفت دموعى
حتى لو دابت قلوعى
حتى لو سهرت عينيا
بين حلم مات وحلم خايفة لا ف يوم يموت
حتى لو فضلى اسمى
حتى لو ضاعت ملامحى
واختفى ف الهزل جسمى
هفضل ماسكة عودك الحطب
وبنقش بيه ع البحر رسمى
وردة فى مدينة ماليها الخوف
وطفلة بمراية تايه منها الحروف
بتلعب بعروسة
مش باين منها غير حبة نتوف
سماح ذكى سلام
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
