بريد الوطن| لقمة ناشفة
بريد الوطن| لقمة ناشفة
اوعوا تدعوا ع الغلابة والطيابة
واللى قام من نومه يشقى
لجل لقمة عيش يحلل
واللى بيقضيها دُقة بلقمة ناشفة أو مخلل
ادعى يا بنى ع الديابة
اللى واكلة الدنيا والعة
واللى شايفة الدم سلعة
واللى تاجر فيه وموّل
واللى ساند واللى أيّد
واللى سقّف واللى هلل
واللى رقصوا فوق جراحنا
واللى كان وما زال مطبل
ادعوا ليهم أو عليهم
إما من عنده الهداية
أو نهاية مش تطوّل
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
