"خليك ذكي عاطفيا".. 6 نصائح لتقوية علاقتك بالمحيطين
"خليك ذكي عاطفيا".. 6 نصائح لتقوية علاقتك بالمحيطين
يتعامل الشخص يوميا مع أشخاص محيطين به بطرق مختلفة سواء أسرته أو أقاربه أو أصدقائه أو زملائه بالعمل وغيره.
وشرح مصطفى خليفة استشاري تطوير الأعمال أن التعامل بين الناس له ذكاء ويطلق عليه "الذكاء العاطفي".
ويقدم "خليفة" لـ"الوطن"، 6 نصائح لكيفية التعامل مع الناس والتأثير فيهم وتقوية علاقته بهم، حتى يثقوا بك لتكون "ذكي عاطفيا" كما يلي:
1. "الشعور بأهميتك معهم، إيه دورك في حياتهم حتى لو دور بسيط، معرفة وضعك إيه بالنسبة لهم هيفرق جدا في تعاملك معاهم".
2. "اجعل شخصيتك قوية وواضحة، واعطيهم طاقة إيجابية تفيدهم وتشجعهم".
3. "انصحهم في الوقت اللي محتاجين فيه النصيحة، ولازم تتعاطف مع مشكلتهم أو طلبهم وتشوفه من عنيهم هما مش من عينيك".
4. "لازم تكون بتعرف تسمع، لما يحكوا اسمع كويس وبتركيز ومتردش أو تقترح غير لما يخلصوا كلامهم".
5. "افهم دوافعهم وأسبابهم، ليه بيعملوا كده وليه، ومتفترضش مسبقا أسباب للحاجات اللي بيعملوها أو بيقولوها، حلل وفكر وافهم".
6. "قبل ما تقول رأي أو نصيحة لازم تطمن تماما أنه مستعد يسمعها وعنده استعداد أنه يعمل حاجة، ممكن يكون بيشتكي وبس ومش مستعد يسمع نصيحة حد".
