"اتعلم تقول لأ".. 5 نصائح لرفض طلبات الآخرين بأسلوب راقي
"اتعلم تقول لأ".. 5 نصائح لرفض طلبات الآخرين بأسلوب راقي
يحاول كثيرون رفض طلبات الآخرين، سواء الخدمية أو التنفيذية، ولكنهم لا يستطيعون الرفض منعا للإحراج، ما يؤدي إلى تفاقهم مشاكلهم بزيادة الضغوط عليهم.
وشرح مصطفى خليفة استشاري تطوير الأعمال لـ "الوطن"، أنه من المهم جدا أن يتعلم الشخص قول كلمة "لأ"، حتى يستطيع ترتيب أولوياته ولكن يجب الاعتذار بشكل راقي.
ويقدم خليفة 5 نصائح حتى يتعلم الشخص رفض ما يطلبه الآخرون منه بشكل راقي، كما يلي:
1. "وانت بتقول لأ ممكن يبقى نفسك تخدمه بس معندكش وقت، وضح ده واعتذرله أو فهمه أنك ممكن تعمل الحاجة اللي هو عايزها بس مش دلوقتي، لو مش مستعجل اعملها له بعد ماتخلص اللي وراك".
2. "ممكن تكون مش أحسن واحد تعمل الحاجة دي، معندكش المهارات أو المعرفة المطلوبة، اعتذر ووضح السبب".
3. "وضح إن وراك حاجات كتير وأنك مش فاضي دلوقتي، واعتذر ووضح مسئولياتك بغض النظر عن قبول عذرك أو لأ، لو بيقدرك هيحترم مسئولياتك".
4. "ممكن تقترح حد تاني يساعده أو توصله بحد يقدر يخلص له حاجته، يبقى خدمته ومشغلتش نفسك".
5. "ممكن تشرح له يعمل إيه وتساعده يعمل الحاجة بنفسه، يبقى مخدتش وقت كبير وفي نفس الوقت ساعدته".
