سيدة الميكروباص: لما حد بيعصبني بحط غلبي في الكلاكس.. وكمال: ده كلام؟!
![السيدة نحمده سعيد عبدالرازق](https://watanimg.elwatannews.com/image_archive/840x473/9318845931544820024.jpg)
السيدة نحمده سعيد عبدالرازق
كشفت السيدة نحمده سعيد، صاحبة الميكروباص التي التقى بها الرئيس عبدالفتاح السيسي، بعض المواقف الطريفة التي تتعرض لها خلال عملها.
وقالت "نحمده"، خلال حوارها مع الإعلامي أسامة كمال، مقدم برنامج "مساء DMC"، المُذاع عبر فضائية "DMC"، إن بعض الركاب يتعجبون من كونها سائقة ميكروباص لأنها سيدة، موضحةً: "اللي بيزود التعليقات بيلاقيني مش ست معاه، وبرد عليه على طول".
وعما إذا كانت تستخدم "الكلاكس" بشكل متكرر يزعج قائدي المركبات الأخرى، قالت نحمده: "لما بتعصب بستخدمه كتير، بحط غلبي فيه، عشان متعصبش على حد من الركاب لأن ملهومش ذنب".
ليعلق عليها مقدم البرنامج، ممازحًا إياها: "ده كلام برضه يا أم محمود؟! هتطلعي ضيقك علينا؟!".
وأجرى الرئيس عبدالفتاح السيسي، جولة تفقدية الخميس، بعدد من مشروعات العاصمة الإدارية الجديدة، استغرقت عدة ساعات، والتقى السيسي خلال تفقده المشروعات الجاري تنفيذها بالعاصمة الإدارية الجديدة، سيدة تعمل على سيارة أجرة "ميكروباص"، أثناء مرورها على الطريق.