بريد الوطن| لسه القدر
بريد الوطن| لسه القدر
لسه القدر
رافض يكمّلك قصيدة؟!
لسه اللى كانت أقرب الحاضرين
بعيدة؟!!
لساك عنيد
والا الجفا خلانى ف البعد العنيدة؟!
غايب وسايب لى الوجع
فى القلب حاضر
ومليت بحزن الأسئلة
دفتر محاضر
قلت ابعدى
ولسانى قال بالكدب حاضر
عيشاك وعايشة الدنيا
من غيرك وحيدة
وقت الغياب.. زى الحضور
دخان وباقى من عود بخور
بيتحرق والحضرة فاضية
مكتوب عليها آخر ظهور
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
