بريد الوطن| شحات برقم حساب
بريد الوطن| شحات برقم حساب
قابلت «شحات» قبل كده؟ طبعاً.. هو فيه حد ما قابلش شحات؟ طيب فيه شحات حسيت إن شكله صعب ومحتاج مساعدة؟ كلهم تقريباً بيصعبوا عليا.. طيب بيجيلك إحساس إنك مقصر لو ما ساعدتوش وبتبقى خايف تساعده ليكون نصاب، يعنى بتبقى بين نارين؟ دايماً عندى الإحساس ده. طيب لو فيه حل تتأكد منه إن الشحات مش بينصب عليك وكمان تقدر تتابع حالته كل شوية، يعنى مثلاً لو فيه حد فى منطقتك وبتشوفه كل فترة، مش يبقى كويس لو كل شوية تعرف أخباره من غير إحراج ولو تقدر تساعده؟ ممكن نعمل زى حساب بنكى لكل شحات وتبقى المساعدة على الحساب ده من غير فلوس كاش وممكن يتعمل حد أقصى فى الشهر للحساب الواحد (عشان النصابين)، ولو أى حساب زاد عن الحد الأقصى ممكن تتوزع الفلوس على شحاتين تانيين. الشىء الجميل إنك ممكن تدخل على حساب حد مهتم بيه أو فى منطقتك (حد بتشوفه كل فترة) وتعرف أخباره المادية من غير إحراج ولا كذب أو نصب، بعد فترة هيكون فيه إحصائيات ومحاولة إيجاد حلول ويمكن شغل للناس دى، الفكرة مش خيالية، دى حاجة حقيقية ومعمولة فى الصين، يعنى بس محتاجين نطبقها .
م/ محمد (واحد عادى)
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
