بريد الوطن| جمال يوسف
بريد الوطن| جمال يوسف
وقبل ما هبتدى باسمك
أنا هبدأ باسم الله
وأقول الله
ع اللى بالجمال رسمك
وزادك حُسن يا محلاه
وخلاك كامل الأوصاف
ملاك لكن.. بشر يتشاف
وبعيون قلبى أنا شيفاه
يا واخد من جمال يوسف
وواخد من حياته حياة
يا فرحة وخير
يا حبل اتمدلى ف البير
ده لو شايفة عيونى كتير
مفيش غيرك أنا حساه
أنا شرياك بروح الروح
ف عز الرخص
ومش هقبل ف حبك
م الأمانى البخس
ولا هقبل تمام بدرك
يصيبه ف ليلة مرة النقص
هراود حزنى أنا بضحكك
وهغزل م الدموع فرحك
ولو هتضيع معاك نفسى
هلاقى جوة نفسك نفس
وسيبنى أخاف
سنابل فرحى من غيرك
بترمى جفاف
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
