بريد الوطن| الله محبـة
بريد الوطن| الله محبـة
حزينة من قلبى والله وقلبى حزين
مين لبس الإرهاب تياب الدين؟
مين اللى غَدَرك يا مصر وقَتِّل ولادك؟
مين شق قلبك يا مصر وقَسِّمُه نصين؟
ومين بَدَر يا مصر أرضك شوك؟
ومين بدم الحبايب خَضَب البساتين؟
فيه إيد غريبة مريبة داخلة جوانا
عايزة تفرق وتقسم البلد نصين
إوعى يا مصرى تمَكِن العدو منك
وتِرضى بالفرقة حتى باسم الدين
الدين له رب وله إله واحد
وإحنا على العهد دايماً إخوة متحدين
يا رب ابعد دعاة الشر والفتنة
واكتب لنا النصر واطرد مننا الشياطين
الله محبة وانت يا مصر فى قلوبنا
تسلم بلادنا وتسلم وحدة الملايين
أم فيصل
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
