بريد الوطن| أنا الفارس
بريد الوطن| أنا الفارس
أنا الفارس
أنا الحارس على سحرك
أنا مارد يثور لو حد جه جنبك
نسيم الليل بيستأذن قبل أما ييجى الليل
على شعرك ومصباحى ومملكتى
رهن إشارة من إيدك
بعيش فى قوتك ضعفى
ومقدرش عليكى أثور
وحتى فى منتهى غضبى
بداريكى فى طوق مسحور
تِقيد النار نهار جوفى
وعندك تبقى طاقة نور
أنا مارد صحيح لكن
قصادك بتقلب عصفور
بحس فى ضحكتك أمى
تطبطب ليّا على كتفى
عينيكى هيا ترياقى
ومن سم الهموم تشفى
بحور الدنيا أشعارى
وشجر الحب كان أقلام
فى أوصافك ما هتكفى
يا جنية وحورية فى فلك الدنيا بتلفى
هشام فؤاد
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
