بريد الوطن| فمتو سكر
بريد الوطن| فمتو سكر
مع كل سنين بتمر
بادخل جوايا وأفتش عن حلم العمر
عن جبل المر المتكدس
فوق جبل المر
عن نفسى التايهة جوايا
مش لاقية ممر
عن عمر بيجرى
رهوان بيمر
ولا سايب لحظة لإحساسى
أدهى وأمر
ولا نور للخير مصباحى
ولا طفى لبحور الشر
وقطعنى بسكينته التلمة
وف قلبى المتجمد مر
لو جايب لحظة خير قل لى
واتفضل مر
يا سنين العمر اللى معدى
يا دوايا المر
مررت الدنيا فيحلا لى
سكر من إيدك لو فمتو
من بعد المر
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
